Ürək, sızanaq və revmatizm kimi xəstəliklərin müalicəsində istifadə edilən bəzi dərmanlar dərini günəşə qarşı həssaslaşdıraraq dəri xərçəngi riskini artırır.

Aztibb.az-ın medimagazin.com.tr-yə istinadla xəbərinə görə, Ankara Bilkent Şəhər Xəstəxanası Dermatoloji Klinikasının dosenti Ayşe Akbaş 1-7 Aprel - Xərçəng Həftəsi ilə bağlı verdiyi açıqlamasında bütün xərçənglər arasında dəri xərçənginin görülmə nisbətinin kişilərdə 6-cı, qadınlarda isə 5-ci yerdə olduğunu bildirib.

Dəri xərçənginin yaranmasında genetik faktorların və iqlim şəraitinin təsirli olduğunu deyəm A.Akbaş genetik pozğunluqlara görə dəri xəstəlikləri olan insanlarda dəri xərçənginə tutulma riskinin daha yüksək olduğunu bildirib.O, sarışın və açıq rəngli insanlarda digər insanlarla müqayisədə dəri xərçənginə tutulma riskinin daha çox olduğunu qeyd edib.

A.Akbaş çox günəşli ərazilərdə yaşayan ağdərililərin və allergiyası olanların risk daşıdığı barədə xəbərdarlıq edib.

Dəri xərçənginin əsas səbəbinin günəşə məruz qalma olduğunu vurğulayan türkiyəli alim bildirib ki, günəş şüaları birbaşa dəri hüceyrələrinin DNT quruluşunu pozur və xərçəngin inkişafına kömək edir.

"Günəş şüaları yerə çatdıqca, daha çox ozon təbəqəsindən süzülərək gəlir. Bu şüalara ultrabənövşəyi C, A və B şüaları daxildir. Ozon təbəqəsi ultrabənövşəyi C, B və A şüalarını süzərək yerə çatır. Ən zərərli ultrabənövşəyi B şüalarıdır. Bu şüalardan qorunma təmin edilməzsə, ləkələr və bənövşələr kimi problemlər yarana bilər, xüsusən də xərçəngə tutulma riski arta bilər" - deyə o, qeyd edib.