Almaniyanın BioNTech şirkəti və Çində yerləşən DualityBio iki xərçəng antikor dərmanı namizədini birgə inkişaf etdirmək və kommersiyalaşdırmaq üçün əməkdaşlıq edəcəklər.

Aztibb.az-ın medimagazin.com.tr-yə istinadla xəbərinə görə, BioNTech və OncoC4-dən verilən birgə açıqlamada şirkətlərin bərk xərçəng şişlərinin müalicəsi üçün DualityBio-nun DB-1303 və DB-1311 antikor namizədlərini birgə hazırlayacaqları bildirilib.

Açıqlamada, BioNTech-in Çində yerləşən DualityBio-ya 170 milyon dollar avans ödəyəcəyi və əməkdaşlıq dövründə şirkətə 1,5 milyard dollardan çox qonorar təqdim edəcəyi qeyd edilib.

DualityBio-nun DB-1303 antikor namizədinin yeni dərmanların hazırlanması və sınaqdan keçirilməsini sürətləndirmək üçün ABŞ Qida və Dərman İdarəsindən (FDA) "Fast Track" icazəsi alınıb.

DB-1303 və DB-1311 antikor namizədləri sağlam toxuma zərər vermədən xərçəng hüceyrələrini hədəflənmiş şəkildə məhv edir.