Zaqatala Rayon Mərkəzi Xəstəxanasının direktoru Tamara Nurəliyeva mart ayı ərzində 18 vətəndaş qəbulu həyata keçirib və onların müraciətilərinə baxıb. 

Xəstəxanadan Aztibb.az-a bildirilib ki, vətəndaşların müraciətləri əsasən əlillik məsələləri, əmək münasibətləri, müayinə-müalicə, icbari tibbi sığorta çərçivəsində ixtisaslaşdırılmış tibb müəssisələrinə göndəriş vərəqələrinin verilməsi və dərman təminatı ilə bağlı olub. Edilən bütün müraciətlər diqqətlə dinlənilib, bir sıra məsələlər yerindəcə öz həllini tapıb.

Həmçinin müəssisəyə müraciət edən bir nəfər şəhid ailəsi üzvü işlə təmin edilib. Digər müraciətlərin araşdırılması və qanunvericiliyə uyğun baxılması məqsədilə müvafiq struktur bölmələrinə tapşırıqlar verilib.

Qeyd edək ki, hər həftənin II günləri Tamara Nurəliyevanın vətəndaş qəbulu günüdür.