Şirvan Şəhər Mərkəzi Xəstəxanasında çalışan kiçik tibb işçisinin xidmət zamanı qıcolma tutması olub və ilkin reanimasion müdaxilə sonrası vəziyyəti stabilləşib. KT və MRT sonrası o, Respublika Neyrocərrahiyyə Xəstəxanasına müraciət edib.

Bu barədə Aztibb.az-a Xəstəxanadan məlumat verilib.

Qeyd olunub ki, nevroloji müayinə zamanı pasiyentdə ciddi defisit müəyyən olunmayıb. Sol ənsə payını kompressə edən Yuxarı Sagittal Sinus (venoz axın cibindən) və beyin pərdəsindən inkişaf edən Meningioma (xoş xassəli) səbəbilə o, uğurlu əməliyyat olunaraq 5 gün sonra tam defisitsiz evə yazılıb.