Aztibb.az "Həkimlərimizi tanıyaq!" rubrikasında peşəkar səhiyyə işçilərini tanıtmaqda davam edir.
Rubrikamızda bu dəfə Akademik Mirməmməd Cavadzadə adına Respublika Kliniki Uroloji Xəstəxanasının Poliklinika şöbəsinin müdiri Fuad Əlizadə haqqında məlumatları diqqətinizə çatdırırıq.
Fuad Əlizadə 1980-ci ildə Sabirabad rayonunda anadan olub. 1997-2003-cü illərdə Azərbaycan Dövlət Tibb Universitetinin Müalicə-profilaktika fakültəsində təhsil alıb. 2003-2004-cü illərdə A.T.Abbasov adına Onkoloji Dispanserdə internatura keçib.
O, 2004-2006-ci illərdə Dövlət Sərhəd Xidmətinin Hərbi Hospitalında Əməliyyat blokunun rəisi, 2006-ci ildə Akademik Mirməmməd Cavadzadə adına Respublika Kliniki Uroloji Xəstəxanasında həkim-uroloq, 2016-ci ildə Pediatrik urologiya şöbəsinin müdiri vəzifələrində işləyib.
Həkim 2022-ci ildən Respublika Kliniki Uroloji Xəstəxanasında Poliklinika şöbəsinin müdiri vəzifəsində çalışır.
