Tərtər Rayon Mərkəzi Xəstəxanasının peşəkar həkim və tibb işçilərindən ibarət geniştərkibli briqadasının iştirakı ilə rayonun Talış kəndinin sakinləri kütləvi tibbi müayinələrə cəlb olunublar.

 

Xəstəxanadan Aztibb.az-a bildirilib ki, məqsəd rayonun kəndlərində Tərtər Rayon Mərkəzi Xəstəxanasına gəlməkdə maddi və fiziki çətinliyi olan xəstələrin yerindəcə tibbi müayinə cəlb olunmasıdır.

 

Həkim briqadasının tərkibində terapevt, pediatr, mama-ginekoloq, laborant, şüa-diaqnostika və başqa ixtisas həkimlər var.

 

Aksiyada 10 nəfər şüa-diaqnostika, 8 nəfər pediatr, 3 nəfər ginekoloq, 5 nəfər qan analizi, 11 nəfər isə terapevt tərəfindən müayinə olunublar.

 

Kənd sakinləri onlara göstərilən tibbi xidmətin səviyyəsindən razı qaldıqlarını bildiriblər.