İsmayıllı Rayon Mərkəzi Xəstəxanasında 31 Mart - Azərbaycanlıların Soyqırımı Günü ilə əlaqədar anım tədbiri keçirilib.

 

İnstitutdan Aztibb.az-a bildirilib ki, əvvəlcə soyqırımı qurbanlarının xatirəsi bir dəqiqəlik sükutla yad edilib.

 

Tədbirdə direktor Vidadi Rəhimov, müavinlər Nərgiz Rəhimova, Vüqar Əlizadə, şöbə müdirləri, ixtisas həkimləri, baş tibb bacıları iştirak ediblər.

 

Tədbirdə İsmayıllı RMX-nın direktoru Vidadi Rəhimov ermənilər tərəfindən azərbaycanlılara qarşı törədilmiş soyqırımının dəhşətlərindən danışıb. Bildirib ki, Bakı Soveti və daşnak erməni silahlıları Bakı, Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ və digər şəhər və bölgələrdə xalqımıza qarşı amansızcasına soyqırımı həyata keçiriblər. Ermənilər 50 mindən çox insanı qətlə yetiriblər.

 

Daha sonra direktorun İnzibati məsələlər üzrə müavini Vüqar Əlizadə azərbaycanlıların kütləvi şəkildə vəhşicəsinə qətlə yetirilməsi, mədəniyyət və tarixi abidələrin məhv edilməsindən bəhs edib.

 

Tədbirdən sonra İsmayıllı şəhərində yerləşən Soyqırımı Abidə Kompleksi ziyarət olunub, abidə önünə gül dəstələri qoyulub.