Onun sözlərinə görə, gecə ilə gündüz arasındakı temperatur fərqi, artan rütubət və temperatur, havada allergenlərin tezliyi və havada ion balansının dəyişməsi ürək-damar xəstələri üçün əlavə risk yarada bilər. Bütün bu dəyişikliklər ürəkdə əlavə yüklənməyə səbəb olur. Xüsusilə ürək çatışmazlığı olan insanlarda kliniki vəziyyət daha da pisləşə bilər.

 

Cərrahiyyə uzmanı qeyd edib ki, yazda temperatur və təzyiqin dəyişməsi ilə yanaşı yuxarı tənəffüs yolları infeksiyalarının artması da infarkt riskini artıra bilər. Havaların istiləşməsi ilə tərləmə kimi səbəblərdən bədəndə maye itkisi qanda qatılaşmaya və laxtalanmaya səbəb ola bilər. Bu da infarkt və insult riskini artırır.

 

Cabir Gülmalıyev yazda ürək sağlamlığı üçün 9 vacib qaydanı açıqlayıb:

Risk faktorlarından xəbərdar olun (Ailənizdə ürək xəstəliyi olub-olmadığını bilin);

İmmunitetinizi güclü saxlayın;

Havaya uyğun geyimlər geyinin;

Siqaret və spirtli içkilərdən çəkinin;

Xolesterolunuzu ölçün;

Xüsusilə 40 yaşdan etibarən təzyiqinizi nəzarətdə saxlayın;

Maye istehlakınızı artırın;

Kofeinli içkilər, yağlı yeməklər və qızardılmış yeməkləri çox yeməyin;

Aktiv olun, həftədə ən azı beş gün təmiz havada 30 dəqiqə yürüyüş edin;

Duz istehlakınızı azaldın;

Erkən diaqnoz həyat xilas edir, mütəmadi olaraq müayinələrdən keçməyi unutmayın.