“Həkimlərimizi tanıyaq!” rubrikamızda Sizlərə bütün pasiyentlərinə qayğı və həssaslıqla yanaşan həkim, mama-ginekoloq Səmərqənd Tağıyevanı təqdim edirik.

Səmərqənd Bəşir qızı Tağıyeva 1958-ci ildə Xanlar rayon Səfərəliyev qəsəbəsində anadan olub. 1980-1986-cı illərdə N.Nərimanov adına Azərbaycan Dövlət Tibb Universitetinin Müalicə və proflaktika fakültəsində təhsil alıb. 1986-1987-ci illərdə Akademik Mir Qasımov adına Respublika Klinik Xəstəxanasında Terapiya üzrə internatura keçib.

O, 1987-1992-ci illər ərzində Xanlar rayonunun Füzuli kənd həkim ambulatoriyasında həkim-terapevt və ambulatoriyanın baş həkimi işləyib. 1993-cü ildə Bakı şəhərində mama-ginekologiya üzrə 3 ay ixtisas dəyişmə kursu keçirib. 1993-cü ildən Samux Rayon Mərkəzi Xəstəxanasında mama-ginekoloq vəzifəsində çalışır.