Sumqayıt Tibb Mərkəzi (STM) orta ümumtəhsil məktəblərində maarifləndirici tədbirləri davam etdirir.

 

STM-dən Aztibb.az-a bildirilib ki, növbəti belə tədbir Mərkəzin 3 nömrəli Ailə Sağlamlıq Mərkəzi (ASM) tərəfindən Məhəmməd Füzuli adına 15 nömrəli tam orta məktəbdə təşkil olunub.

 

Tədbirdə məktəbin ibtidai sinif şagirlərinə müxtəlif situasiyalar zamanı ilkin tibbi yardımın göstərilməsi, praktiki vərdişlərin həyata keçirilməsi, ilkin yardımın təməl prinsipləri barəsində məlumat verilib və şagirdlər arasında buna dair səhnəcik qurulub.

 

Tədbir zamanı ilkin tibbi yardım çantasının bütün siniflərdə olmasının vacibliyi diqqətə çatdırılıb.

 

Sonda şagirdləri maraqlandıran suallar cavablandırılıb.