Xəstə və ya zədələnmiş toxuma və orqanların bərpasını təmin edən kök hüceyrələr iflic, orqan çatışmazlığı, yara, yanıq və sınıq kimi sağlamlıq problemləri olan insanların tez sağalmasını təmin edərək şəfa mənbəyinə çevrilir.

Aztibb.az medimagazin.com.tr-yə istinadla bildirir ki, bədəndəki bütün toxuma və orqanların quruluşunu təşkil edən kök hüceyrələr, lazım olan hüceyrə növünə çevrilərək, xəstəliklər və yaralanmalar nəticəsində yaranan orqan və toxuma zədələrini bərpa edir.

Texnologiya və tibb elminin inkişafı ilə birlikdə son illərdə sümük iliyindən və ya yağ toxumasından alına bilən və bir çox növ xəstəliyin müalicəsində istifadə edilən kök hüceyrələr, pişiklərdə müalicəsi çətin olan bir çox xəstəliyin müalicəvi rolunu oynayır. 

Heyvanlarda müxtəlif göz, oynaq, qaraciyər, böyrək, ürək, dəri və iltihablı bağırsaq xəstəlikləri, sağalmayan yaralar, yanıq və sınıqlar, artroz, əzələ və vətərlərin zədələnməsi, onurğa beyni və periferik sinirlərin zədələnməsi nəticəsində ifliclər, həssaslıq itkisi, kəskin və xroniki diş əti pozğunluqları orqan çatışmazlığının və pişiklərdə FİP-in quru formasının və itlərdəki distemperin sinir formasının müalicəsində kök hüceyrə üsuluna üstünlük verilə bilər. 

İlk dəfə 2017-ci ildə Türkiyədə tətbiq edilən kök hüceyrə terapiyası bir çox pişik və itlərin sağlamlığını bərpa etməyə kömək edib.

Baytar cərrah, dos. Cem Perk tibbdə son 10 ildə bir çox hallarda uğurla tətbiq edilən müalicənin baytarlıq sahəsində müasir müalicə variantları arasında yer aldığını bildirib. O, kök hüceyrə terapiyasını küçədə tapılan və travma sonrası nevroloji disfunksiya diaqnozu qoyulan 1,5 yaşlı pişiyə tətbiq edərək nümayiş etdirib.