Türkiyənin Akdeniz Universitetinin Molekulyar Biotexnologiya Mərkəzinin rəhbəri, AMEA-nın müxbir üzvü Tərlan Məmmədov Bakı Dövlət Universitetində (BDU) “Vaksin və terapevtik proteinlərin işlənib-hazırlanması: malyariya, qarayara, quduzluq və COVID-19-a qarşı bitki əsaslı vaksin və terapevtik proteinlərin preklinik tədqiqatları” mövzusunda seminar keçib.

Aztibb.az xəbər verir ki, BDU-dan verilən məlumata görə, tədbirdə professor Tərlan Məmmədov son illərdə geniş yayılmış COVID-19 virusuna qarşı və digər vaksinlər haqqında ətraflı məlumat verib. Bildirib ki, onun rəhbərliyi ilə komandası tərəfindən hazırlanmış vaksin COVID-19 virusunun bütün variantlarına qarşı effektlidir.

T.Məmmədov artıq bir neçə önəmli vaksinin, o cümlədən qarayara, malyariya və quduzluq kimi xəstəliklərə qarşı vaksinlərin hazırlanması ilə əlaqədar preklinik tədqiqatların başa çatdığını və insanlar üzərində sınaqlardan keçmə mərhələsində olduğunu deyib.

Sonda o, tələbələrin suallarını cavablandırıb.