Azərbaycan Respublikasında 2023-cü ilin “Heydər Əliyev İli” elan edilməsi haqqında Azərbaycan Respublikası Prezidentinin 29 sentyabr 2022-ci il tarixli Sərəncamına əsasən İsmayıllı Rayon Mərkəzi Xəstəxanasında tərtib edilmiş Tədbirlər planına uyğun olaraq “Hərəyə bir qızıl gül əkək” adlı ağacəkmə aksiya keçirilib.

 

Xəstəxanadan Aztibb.az-a verilən məlumata görə, aksiyada RMX-nın direktoru Vidadi Rəhimov, müavinlər Nərgiz Rəhimova, Vüqar Əlizadə və xəstəxana kollektivi iştirak edib.

 

Ağacəkmə aksiyası zamanı 350 ədəd müxtəlif növ qızılgül kolları əkilib və onlara aqrotexniki qulluq edilib.

 

Aksiyanın keçirilməsində əsas məqsəd Ulu Öndər Heydər Əliyevin əziz xatirəsini yad edərək ölkəmizdə ekoloji tarazlığın təmin edilməsinə dəstək, təbiətə qayğı hissinin təbliği və ətraf mühitin sağlamlaşdırılmasına töhfə verməkdir.