Azərbaycan Respublikasında 2023-cü ilin "Heydər Əliyev İli” elan edilməsi haqqında Azərbaycan Respublikası Prezidentinin 29 sentyabr 2022-ci il tarixli Sərəncamına əsasən tərtib edilmiş Tədbirlər planına uyğun olaraq Oğuz Rayon Mərkəzi Xəstəxanasında "Hərəyə bir ağac ǝkǝk" adlı ağacəkmə aksiyası keçirilib.

Bu barədə Aztibb.az-a Oğuz Rayon Mərkəzi Xəstəxanasından məlumat verilib.

Aksiya çərçivəsində Oğuz RMX-nın həyətyanı sahəsində yerli iqlimə uyğun 50 ədəd meyvə ağacı əkilib.

Tədbirdə Oğuz RMX-nın direktoru Anar Əzizov, inzibati işlər üzrə müavin İradə Məmmədova, müalicə işləri üzrə müavin - baş həkim Şəlalə Tahirova, SİHİ-nın sədri Qorxmaz Hümmətli, konsultativ poliklinikanın şöbə müdri Xəqani Hüseyni və bir sıra həkim və tibb işçiləri iştirak ediblər.

Qeyd edək ki, aksiyanın keçirilməsində əsas məqsəd ölkəmizdə ekoloji tarazlığın təmin edilməsinə dəstək, təbiətə qayğı hissinin təbliği və ətraf mühitin sağlamlaşdırılmasına töhfə verməkdir.