ATU-nun Neyrocərrahlıq kafedrasının dosenti, Tədris Cərrahiyyə Klinikasının Neyrocərrahiyyə şöbəsinin müdiri Cəmil İskəndərov 17 yaşlı pasiyent üzərində Neyromuskulyar skolioz əməliyyatı icra edib.

 

Bu barədə Aztibb.az-a Tədris Cərrahiyyə Klinikasından məlumat verilib.

 

Qeyd edilib ki, Neyromuskulyar skolioz anadangəlmə sinir sistemində problemi olan uşaqlarda təsadüf olunduğundan və xüsusən də bu xəstədə əyrilik dərəcəsi həddindən artıq çox olduğu üçün əməliyyat ən ağır onurğa əməliyyatı sayıla bilər.

 

Cəmil İsgəndərov bildirib ki, əməliyyat zamanı neyromonitordan istifadə olunub və bu da əməliyyatı təhlükəsiz icra etməyə dəstək olub.