Azərbaycan Tibb Universitetinin (ATU) Tədris Cərrahiyyə Klinikasinda Uşaq cərrahlığı kafedrasının elmi seminarı keçirilib.

Aztibb.az Klinikaya istinadən xəbər verir ki, seminar Uşaq cərrahlığı kafedrasının assistenti Murad Əlibəyov və TCK-nin rezidentlər üzrə məsul şəxsi, Uşaq cərrahlığı kafedrasının assistenti Namiq Xəlilovun moderatorlu ilə keçirilib.

Seminar mövzusu olaraq "Uşaqlarda kriptorxizmin etiologiyası, klinika, diaqnostikası və müasir cərrahi yanaşma metodları" seçilib.

Tədbirdə kafedranın müdiri, prof. Ramiz Poluxov seminarın mövzusunun aktuallığından danışıb.

Daha sonra mövzuyla bağlı Murad Əlibəyov, Namiq Xəlilov, Hikmət Alşanov və pediatr-neonatoloq Serxan Elbəyiyev fikirlərini səsləndiriblər.

Kafedranın həkim-rezidentleri Hüseyn Bayramov, Lamiyə İsmayılzadə və Xəlil Aslanov məruzəylə çıxış ediblər. Məruzələrdə kriptorxizmin etiologiyasında ətraf mühit amillərinin, embrional dönəmdə keçirilmiş xəstəliklərin, anatomik faktor və hormonal disbalansın rolu müzakirə olunub. Xəstəliyin klinika və diaqnostikasında müasir instrumental və laborator metodlar, cərrahi yanaşma üsulları və hormonal terapiyanın əhəmiyyəti haqqında söhbət aparılıb.