Yeni araşdırma qoyun kimi tüklü təsərrüfat heyvanları ilə qarşılıqlı əlaqənin gərginliyi azaltdığını və psixi sağlamlığı yaxşılaşdırmağa kömək etdiyini göstərib.

Aztibb.az medimagazin.com.tr-yə istinadla məlumat verir ki, alimlərin fikrincə, qoyunların şəhər mərkəzlərində və universitet şəhərciklərində olması şəhər sakinlərinin və tələbələrin stressini azaltmağa kömək edə bilər.

Tədqiqatçılar 200-ə yaxın tələbə və işçi arasında sorğu keçiriblər və müəyyən ediblər ki, qoyunların yanından keçən və ya qoyunlara yaxın oxuyanların heç vaxt mal-qara ilə rastlaşmamış insanlardan daha az stress keçirmə ehtimalı var.

Heyvanlarla qarşılaşmanın insanların psixi sağlamlığını yaxşılaşdırdığını müəyyən edən elm adamları bunun imtahan öncəsi tələbələr üçün sakitləşdirici təsirə malik olduğunu vurğulayıblar.