Nazirlikdən Aztibb.az-a verilən xəbərə görə, beynəlxalq forum səhiyyə, yüksək texnologiyalar və əczaçılıq sənayesinin inkişafının təmin edilməsi, insan resursları və tibbi təhsil sahəsində əməkdaşlığın gücləndirməsi məqsədilə təşkil olunub.

 

Tədbirdə Rusiyanın 53 regionundan və digər xarici ölkələrdən gələn 600-dən çox nümayəndə təmsil olunub.

 

Forumda ölkəmizi Azərbaycan Respublikası Səhiyyə Nazirliyinin Səhiyyənin təşkili şöbəsinin müdiri Fazil Hüseynbəyov, İctimai Səhiyyə və İslahatlar Mərkəzinin direktoru Qəhrəman Haqverdiyev və Respublika Narkoloji Mərkəzinin baş direktoru Orxan Cəfərov təmsil ediblər.

 

Azərbaycan nümayəndə heyətinin üzvləri ilkin səhiyyənin inkişafı, əhalinin psixi sağlamlığı və səhiyyənin rəqəmsallaşdırılması problemlərinə dair plenar iclaslarda çıxış edib, həmçinin təcrübə mübadiləsi məqsədilə Sankt-Peterburqun tibb və təhsil müəssisələrində olublar.