Klinikadan Aztibb.az-a bildirilib ki, 2011-ci ildə son mərhələ böyrək çatışmazlığı diaqnozu səbəbi ilə sağ tərəfli böyrək köçürülməsi əməliyyatı keçirən 1963-cü il təvəllüdlü Əhmədova Nəzmiyyət Soltanhəmid qızı "Yeni Klinika"ya müraciət edib.

 

İllər əvvəl keçirdiyi əməliyyatdan sonra zamanla doğuşdan fəaliyyət göstərməyən böyrəklər təkrarlayan pielonefritlə fəsadlaşan sidik yolları infeksiyasına səbəb olub.

Daha sonra bu fəsadlar köçürülmüş böyrəkdə xroniki rəddetmə əlamətləri yaratdığı üçün pasiyentin müalicə həkimləri doğuşdan olan böyrəklərin çıxarılması üçün "Yeni Klinika"ya istiqamətləndirib.

 

Müvafiq müayinələr nəticəsində pasiyentdə əlavə olaraq bir neçə fəqərədə əlamətsiz keçən çökmə sınıqları da qeydə alınıb.

 

Nevroloq, neyrocərrah və həkim-infeksionistin nəzarətindən sonra tibb üzrə fəlsəfə doktoru Emil Muxtarov, Azad Süleymanov, Məcid Haqverdiyev və rezident Elmin Xəlilovun iştirakı ilə pasiyentə ikitərəfli nefroureterektomiya əməliyyatı icra edilib.

 

Uğurlu əməliyyat keçirən pasiyent 12 saat sonra ayağa qaldırılaraq (mobilizasiya edilərək) sidik kateteri çıxarılıb və qida qəbul etməyə başlayıb.

 

Əməliyyatdan bir neçə gün sonra pasiyentə müvafiq tövsiyə və resept verilərək ambulator müalicəyə yazılıb.