Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən peşəkar həkimlərimizi tanıtmaqda davam edir.
Rubrikada bu dəfə Qazax Müalicə Diaqnostika Mərkəzinin Radiologiya şöbəsinin müdiri Fərhad Nağdalıyev haqqında məlumatları diqqətə çatdırırıq.
Fərhad Hətəməli oğlu Nağdalıyev 1958-ci ildə Şuşa şəhərində anadan olub. 1976-cı ildə Azərbaycan Tibb Universitetinə daxil olub. 1982-1983-cü illərdə Tovuz Rayon Mərkəzi Xəstəxanasının Terapiya şöbəsində internatura keçib.
O, 1983-2009-cu illərində Qazax RMX-da həkim-rengenoloq vəzifəsində işləyib. 2009-cu ildən Qazax Müalicə Diaqnostika Mərkəzinin Şüa diaqnostika şöbəsində həkim-rentgenoloq kimi fəaliyyət göstərib. Hazırda Radiologiya şöbəsinin müdiri vəzifəsində çalışır.
