2008-ci ildən etibarən hər il martın 26-sı Epilepsiya Xəstələri Günü və ya Bənövşəyi Rəng Günü qeyd olunur.

Aztibb.az xəbər verir ki, bu günün qeyd olunmasında əsas məqsəd epilepsiyalı insanların da digər insanlardan fərqinin olmadığı və epilepsiyalı şəxslərin yalnız olmadıqlarını bilməsidir. Bənövşəyi rəng bəzi mədəniyyətlərdə yalnızlığı ifadə etdiyi üçün məhz o rəng seçilib. Bu, epilepsiyalı insanların cəmiyyətdən seçilməsi, təcrid olunması hissinə qarşılıq olaraq seçilib.

Epilepsiya indiyə qədər tam müalicəsi tapılmayan bir xəstəlikdir. Onun yeganə və əsas əlaməti təkrarlanan epileptik tutmalardır. Xəstəlik zamanı beyin qabığının müəyyən sahəsində - epileptogen ocaqda neyronlar sinxron şəkildə oyanır.

Ümumdünya Səhiyyə Təşkilatının məlumatına görə, 65 milyon nəfər, yer kürəsi əhalisinin 1 faizə qədəri epilepsiyadan əziyyət çəkir.

Epilepsiya xəstələri tam normal həyat yaşayırlar.