Prezident İlham Əliyevin Sərəncamı ilə 2023-cü ilin “Heydər Əliyev İli” elan edilməsi ilə əlaqədar olaraq Mingəçevir Şəhər Mərkəzi Xəstəxanasında “Azərbaycanın müstəqil dövlətçilik ideallarının təntənəsi ili” adlı tədbir keçirilib.

 

Xəstəxanadan Aztibb.az-a verilən məlumata görə, əvvəlcə Ulu Öndər Heydər Əliyevin əziz xatirəsi dərin ehtiramla anılıb, Ümummilli Liderin həyat və fəaliyyətindən bəhs edən videoçarx nümayiş ib.

 

Tədbiri giriş sözü ilə açan Mingəçevir ŞMX-nın direktorunun İnzibati məsələlər üzrə müavini F.Məmmədov Ulu Öndərin müstəqil Azərbaycan dövlətinin inkişafı naminə həyata keçirdiyi müstəsna işlərdən söhbət açıb.

 

Daha sonra SİHİŞ-nın sədri A.Alıyev “Heydər Əliyev və Azərbaycan səhiyyəsi”, 3 saylı ərazi dairəsi YAP təşkilatının müavini, YAP Gənclər təşkilatının sədri V.Alşanov “Heydər Əliyev müasir gənclər siyasətinin banisidir” və Vətən müharibəsi iştirakçısı A.İsmayılov “Vətən müharibəsində qazanılmış böyük Qələbə Heydər Əliyev ideologiyasının təntənəsidir” adlı mövzularda məruzələrlə çıxış ediblər.

 

Bildirilib ki, bu gün Heydər Əliyev ideyaları əsasında dinamik inkişaf edən, qüdrəti və beynəlxalq nüfuzu getdikcə artan Azərbaycan yeni zirvələr fəth edir. Hazırda XX əsr Azərbaycan tarixinin ən parlaq siması, qüdrətli şəxsiyyəti ulu öndər Heydər Əliyevin əsasını qoyduğu siyasət Prezident İlham Əliyev tərəfindən uğurla davam etdirilir.