Vərəm 2021-ci ildə COVID-19-dan sonra dünyada ən çox ölümə səbəb olan yoluxucu xəstəlik kimi qeydə alınıb.

Aztibb.az-ın medimagazin.com.tr-yə istinadla verdiyi xəbərə görə, vərəm COVID-19-dan sonra ölüm sayına görə ikinci yeri tutur.

Ümumdünya Səhiyyə Təşkilatının (ÜST) hesablamalarına görə, 2021-ci ildə 1,2 milyonu uşaq olmaqla 10,6 milyon insan vərəmə yoluxub, 1,6 milyonu isə dünyasını dəyişib.

Düzgün qidalanmayan insanların vərəmə yoluxma riski 3 dəfə çoxdur. 2021-ci ildə təxminən 2,2 milyon insanın vərəmə düzgün qidalanmama səbəbindən yoluxduğu təxmin edilir.

Xəstəlikdən ölənlərin 80 faizindən çoxu aşağı və orta gəlirli ölkələrdə baş verib.