Tanzaniyada Ebolanın əlaqəli növü olduğu bildirilən Marburq virusuna yoluxan 5 nəfərin ölməsindən sonra qonşu ölkələrin sərhəd qapılarında tədbirlər artırılıb.

Aztibb.az-ın medimagazin.com.tr-yə istinadla verdiyi məlumata görə, Keniya Səhiyyə Nazirliyinin Baş direktoru Patrick Amothun verdiyi yazılı şərhdə sərhəd məntəqələrində tədbirləri artırdıqlarını deyib.

Amoth virusun Tanzaniyanın Keniya sərhədinə yaxın ərazilərdə də aşkar edildiyini qeyd edib. Ruandada isə virusun hələ aşkar edilmədiyini, lakin Tanzaniyadakı vəziyyətin yaxından izlənildiyini və sərhədlərdə tədbirlərin artırıldığını bildirib.

Qeyd edək ki, Marburq virusu ilk dəfə 1967-ci ildə Almaniyanın Marburq şəhərindəki laboratoriyada aşkar edilib.

Meyvə yarasaları vasitəsilə yoluxan Marburq virusu insanlar arasında bədən mayeləri və ya yoluxmuş şəxslərin təması zamanı yayılır. İnfeksiyaya yoluxmuş insanlarda yüksək hərarət, şiddətli başağrısı, halsızlıq, qusma kimi əlamətlər qəfil özünü göstərir və bir çox xəstələrdə 7 gün ərzində ağır hemorragik simptomlar yaranır.

Peyvəndi və ya xüsusi müalicəsi olmayan Marburq virusunun ölüm nisbəti yüzdə 23-90 arasında dəyişir.