Elektron siqaretlər Avstraliyanın ən böyük ictimai sağlamlıq problemlərindən birinə çevrilib və 14 yaşlı uşaqlar buna daha çox üstünlük verirlər.
Aztibb.az medimagazin.com.tr-yə istinadla xəbər verir ki, Avstraliya Milli Universitetində aparılan yeni araşdırma hökumətin elektron siqaretlərə girişi əngəlləmək çağırışını dəstəkləyir.
Elektron siqaretlər siqaret çəkməyə "ən yaxşı" alternativ kimi göstərilsə də, dərc edilən yeni hesabatda qəsdən zəhərlənmə də daxil olmaqla, bir çox risklər müəyyən edilib.
Tədqiqata rəhbərlik edən professor Emili Benks deyib: “Ağciyərlərimiz təmiz hava ilə nəfəs almaq üçün yaradılıb. Halbuki elektron siqaretdən istifadə edən insanlar 240 kimyəvi maddədən ibarət kompleks kimyəvi kokteyllə nəfəs alırlar”.
Nikotinsiz elektron siqaretlərin toksikoloji analizlərində 240-dan çox kimyəvi maddə aşkar edilib. Bu, adi siqaretlərdə təxminən 7000 kimyəvi maddəyə uyğundur. Bu kimyəvi maddələrin ən azı 38-i zəhərlər siyahısına salınıb, digər 27-si isə mənfi sağlamlıq nəticələri ilə əlaqələndirilib.