TƏBİB-in tabeliyində fəaliyyət göstərən Bakı Baş Səhiyyə Mərkəzinin tabeli tibb müəssisələrində Ümummilli Lider Heydər Əliyevin anadan olmasının 100 illik yubileyinə həsr edilən “Təbiəti də sağaldaq” devizi ilə ağacəkmə aksiyasına start verilib.

Aztibb.az Bakı Baş Səhiyyə Mərkəzinin feysbuk səhifəsinə istinadla xəbər verir ki, aksiyanın əsas məqsədi insanların diqqətini təbiətin qorunmasına, onun daha da yaxşılaşmasına cəlb etmək, ətraf mühitin mühafizəsinə, yaşıllıq zolaqlarının genişləndirilməsinə töhfə vermək və ekoloji mədəniyyəti təbliğ etməkdir.

Tabeli tibb müəssisələrinin şəxsi heyətinin iştirakı ilə keçirilən ağacəkmə aksiyasında tibb müəssisələrinin yerləşdiyi ərazilərdə iqlim şəraitinə uyğun yüzlərlə dekorativ və meyvə ağacları, gül kolları əkilib, yeni əkilmiş ağaclara aqrotexniki qulluq göstərilib, ağaclar suvarılıb və gələcək mühafizəsi məqsədilə zəruri tədbirlər görülüb. Eyni zamanda, quru ağaclar budanaraq, ümumi sanitar-təmizlik işləri görülüb.

“Heydər Əliyev İli”nə həsr edilən “Təbiəti də sağaldaq” ağacəkmə aksiyası yaz fəsli boyunca davam etdiriləcək.