Döş qəfəsi sümükləri arasından girilərək, hər hansı bir sümük kəsilmədən tamamlanan Bypass əməliyyatı ilə - xəstələr 24 saat ərzində ayağa qalxaraq normal həyatlarına davam edə bilirlər.

Aztibb.az xəbər verir ki, bu barədə Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev məlumat verib.

Onun sözlərinə görə, Bypass sol qoltuqaltından təxminən 3-5 sm-lik kəsik ilə icra edilir. Xəstələr 1 həftə ərzində işə qayıda bilərlər. Pasiyentlər əməliyyatın 4-cu günü ilk dəfə duş qəbul edə bilərlər və 5-ci gün müalicələri tərtib olunur, son məlumatlandırma verilir, yoxlanılaraq evə yola salınırlar.

Uzman həkim kiçik kəsik ilə bypass-ın üstünlüklərini də sadalayıb:

Xəstənin hərəkəti məhdudlaşdırılmır, bu səbəbdən psixoloji olaraq çox rahat olur;
Bypass əməliyyatı yan yatmaq heç bir problem yaratmır;
İnfeksiyalaşma problemi nadir hallarda rastlanır;
Bərpa dövrü sürətlidir;
Qısa müddətdə normal həyata dönmək olur.