Bir yerdə həkim varsa, yaşam və ümid var deməkdir!
Bu gün Aztibb.az-ın "Həkimlərimizi tanıyaq!" rubrikasında Yardımlı rayon Mərkəzi Xəstəxanasının təcrübəli həkimi İdris Şabiyevi oxuculara təqdim edirik.
İdris Seydi oğlu Şabiyev 20 mart 1950-ci ildə Yardımlı rayon Bozayran kənd ziyalı ailəsində anadan olub. 1974-cu ildə Nəriman Nərimanov adına Azərbaycan Tibb İnstitutunu bitirib.
O, 1975-cı ildə həkimlik fəaliyyətinə Yardımlı RMX-da həkim-pediatr kimi başlayıb. 1993-cü ildə Yardımlı RMX-da ana və uşaq səhiyyəsi üzrə baş həkim müavini vəzifəsində çalışıb.
Uğurları ilə tanınan həkim-pediatr 1993-1996-cı illərdə İran İslam Respublikasında dövlət tərəfindən müqavilə əsnasında xəstəxanada işləyib. 1996-cı ildən 2020-ci ilə kimi Təcili tibbi yardım şöbəsinin müdiri işləyib.
İ.Şabiyev 2012-ci il Lomonosov adına Moskıva Dövlət Universitetinin Bakı filialında dövlət idarəetmə fakültəsinə daxil olub, 2016-cı il həmin fakültəni bitirib.
Təcrübəli təbib işində fərqləndiyinə görə SSRİ səhiyyə əlaçısı döş nişanı ilə təltif olunub.
O, hazırda Yardımlı RMX-nın Ana və Sağlamlıq Mərkəzində həkim-pediatr vəzifəsində çalışır.