Səhiyyə Nazirliyinin Respublika QİÇS-lə Mübarizə Mərkəzi Tərtər, Bərdə və Şuşa məktəblərində “Sağlam həyat - etibarlı gələcək” adlı maarifləndirici aksiyalar keçirib.

Bu barədə Aztibb.az-a Nazirlikdən məlumat verilib.

Ümumilikdə 20 orta məktəb müəllimlərinin və yuxarı sinif şagirdlərinin iştirak etdiyi tədbirlərdə məqsəd sağlam həyat tərzini təbliğ etmək, İnsanın İmmunçatışmazlığı Virusunun törətdiyi fəsadlar, Azərbaycanda bu virusa yoluxma səviyyəsi, xəstəliyin yoluxma yolları barədə məlumat vermək, məktəblilərin təhsilə, elmə olan marağını artırmaqdan ibarət idi.

Sonda şagirdləri maraqlandıran suallar cavablandırılıb.