Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən həkimlərimizi tanıtmaqda davam edir.
Rubrikada bu dəfə Qobustan Rayon Mərkəzi Xəstəxanasının şüa diaqnostikası üzrə həkimi Nərgiz Səlimzadə haqqında məlumatları diqqətə çatdırırıq.
Nərgiz Şirzad qızı Səlimzadə 13 may 1989-cu ildə Kürdəmir şəhərində dünyaya gəlib. Məktəbi bitirdikdən sonra Azərbaycan Tibb Universitetinə qəbul olub.
2014-cü ildə Mərkəzi Klinik Xəstəxanasının ürək-damar cərraiyyəsi şöbəsinin rezident-həkim kimi fəaliyyətə başlayan Nərgiz Səlimzadə 2016-cı ildə Topçubaşov adına Elmi-cərrahi mərkəzdə həkim-rezident kimi fəaliyyətini davam etdirib və 2020-ci ildə rezidentura təhsilini bitirib.
2021-ci ildə Qobustan Rayon Mərkəzi Xəstəxanasına təyinat alan Səlimzadə Nərgiz hazırda Qobustan Rayon Mərkəzi Xəstəxanasında şüa diaqnostikası üzrə həkim vəzifəsində çalışır.
