Türkiyədə baş verən yol qəzası nəticəsində həyatını itirən donor 3-ü Ankarada, 1-i Əskişəhərdə ürək, qaraciyər və böyrək nəqli gözləyən 4 xəstəyə ümid olub.

Aztibb.az sondakika.com-a istinadən xəbər verir ki, yol qəzasından sonra beyin qanaması nəticəsində dünyasını dəyişən donorun növbə gözləyən xəstələrə köçürmək üçün ürəyi, qaraciyəri və böyrəyinin olduğu məlumatı verilib.

Ürək, qaraciyər və böyrək nəqli gözləyən xəstələrin növbəsini dərhal yoxlayan Ankara Bilkent Şəhər Xəstəxanası Orqan Nəqli Mərkəzinin həkimləri ürək gözləyən 44 yaşlı Soner Akyol, qaraciyər gözləyən 44 yaşlı Mehmet Duacıgilin və böyrək gözləyən 46 yaşlı Gül Özdenin transplantasiya üçün ilk sırada olduğunu biliblər.

Əməliyyatı uğurla başa vuran həkimlər transplantasiya əməliyyatı keçirən xəstələrin ümumi vəziyyətinin yaxşı olduğunu və hazırda aktiv həyat sürdüklərini bildiriblər.

Bundan əlavə, Əskişəhərdə böyrək nəqli gözləyən xəstənin müayinələri tamamlandıqdan sonra dünyasını dəyişən donorun digər böyrəyinin də köçürüldüyü deyilib.