Neftçala Rayon Mərkəzi Xəstəxanasında Novruz bayramı ilə əlaqədar tədbir keçirilib.

Xəstəxanadan Aztibb.az-a bildirilib ki, tədbirdə müəssisənin direktoru Elman Quliyev əməkdaşları qarşıdan gələn birlik, həmrəylik, bərəkət bayramı olan Novruz münasibətilə təbrik edib.

Neftçala rayon Səhiyyə İşçiləri Həmkarlar İttifaqının sədri Nəcibə Abdullayeva da təbriklərə qoşularaq işçilərə olunan yardımlar barədə məlumat verib. Bildirib ki, Neftçala rayon SİHİ tərəfindən 72 nəfər maddi imkanı zəif olan işçiyə ərzaq paketi, 52 nəfərə 50 manat, xəstəxanada çalışan 7 nəfər veteran və qazilərə 100 manat, 4 nəfər şəhid ailəsinə isə 150 manat olmaqla yardımlar olunub.

Bayram tədbirində, həmçinin iki nəfər tibb işçisinə 60 illik yubileyi münasibəti ilə Fəxri fərman və hədiyyələr təqdim olunub.