Molekulyar Biologiya və Biotexnologiyalar İnstitutunda (MBBİ) Novruz bayramı münasibətilə şənlik keçirilib.

Aztibb.az-a MBBİ-dən verilən məlumata görə, tədbirdə AMEA-nın vitse-prezidenti, institutun baş direktoru, akademik İradə Hüseynova çıxış edib. Alim bildirib ki, qədim dövrlərdən bəri xalqımız Novruzu Yeni ilin başlanğıcı hesab edib. Bolluq, bərəkət, xoşbəxtlik və paklıq rəmzi olan Novruz həm də sülhə, əmin-amanlığa, etibar və sədaqətə çağırış bayramıdır. Xalqımız artıq bu bayramı işğaldan azad olunmuş torpaqlarda qeyd edir.

Tədbirdə AMEA-nın müxbir üzvü İbrahim Əzizov, institutun icraçı direktoru, b.ü.f.d., dosent Ələmdar Məmmədov da bayram münasibətilə tədbir iştirakçılarını təbrik ediblər.

Kosa və Keçəlin məzəli söhbətləri və rəqsləri bayram şənliyinə xüsusi rəng qatıb. Tədbirdə, həmçinin xonça müsabiqəsi də keçirilib. İnstitutun laboratoriya və şöbələrinin təqdim etdiyi bayram xonçaları münsiflər heyəti tərəfindən qiymətləndirilib.

Təchizat və xidmət şöbəsinin hazırladığı xonça müsabiqəsinin qalibi seçilib.