Türkiyədə müalicə alan qazimiz Vahid İmanlı Vətənə geri qayıdıb.

Aztibb.az xəbər verir ki, bu barədə "YAŞAT" Fondundan məlumat verilib.

Bildirilib ki, 2 il müddətində Türkiyədə müalicə alan V.İmanlının müalicə xərcləri Fond tərəfindən qarşılanıb.

Xatırladaq ki, bu günə qədər 178 qazimiz müalicə üçün Türkiyəyə göndərilib. Onlardan 176-nın müalicə proseduru artıq uğurla yekunlaşıb və Vətənə qayıdıblar. Qazilərin qarşıdakı aylarda müalicəsi üçün nəzərdə tutulan dərman vasitələri də Fond tərəfindən təmin edilir.

“YAŞAT” Fonduna müraciət etmək və Fondun fəaliyyəti ilə tanış olmaq üçün yashat.gov.az portalı istifadədir. Fondun hesabatlılığı ilə tanış olmaq üçün keçid: https://yashat.gov.az/report/tableau

Həmçinin Fondun 8110 “Çağrı” Mərkəzi fəaliyyət göstərir.