Əzələ spazmı sinirlər tərəfindən əzələlərə birdən-birə həddindən artıq siqnalların ötürülməsi ilə ortaya çıxan bir haldır.

Aztibb.az xəbər verir ki, reabilitoloq, fizioterapevt Pərvin Əkbərov bu barədə "Facebook" səhifəsində məlumat paylaşıb.

Həkimin bildirdiyinə görə, bunun əsas səbəbi beyninin soyuq əzələ kütləsinə bəzi hərəkətləri anidən etməsinə olan tələbkarlığıdır. Normal halda əzələlərin müəyyən hərəkətləri icra edə bilməsi üçün əzələ yağ toxumasının isinməsi və lazımi qədər protein və s. vitaminləri depolaşdırılması gərəklidir.

Ən çox ayaqların ön və arxa tərəfində uyuşmalar ilə hiss edilən əzələ spazmı, həmçinin əllərdə, beldə, qarın nahiyəsində də görülə bilir.

Qeyd edib ki, əksər əzələ spazmı zərərsiz olsa da, bəziləri əsas tibbi vəziyyətlə əlaqəli ola bilər.

Məsələn, yetərsiz qan dövranı, sinir sıxılması, mineral əksikliyi, dehidratasiya, piylənmə, sinir sistemi xəstəlikləri və yaş əzələ spazmına yola aça bilir.