Bu kirli dəri görünümündəki xəstəliyin yaranmasına səbəb zədələnmiş epidermisdə (dərinin üst qatı) olan keratinositlərin amiloid maddə olaraq dərinin orta qatında toplanmasıdır.

Aztibb.az xəbər verir ki, dermatoloq Nizami Valehoğlu bu barədə "Instagram" səhifəsində məlumat paylaşıb.

Dərinin üst qatının zədələnməsinə səbəb qaşınma, ovalama, sürtünmə kimi travma verici hərəkətlərdir.

Yalnız dəri ilə sərhədlənən və digər orqanlarla əlaqəsi olmayan xəstəliyin ən vacib əlamətləri qaşınmadır, xəstələr çox vaxt bu şikayətlər ilə həkimə müraciət edir.

Həkimə düşən əsas iş digər qaşınmaya və klinik görünüşə səbəb ola biləcək xəstəlikləri ayırd edərək xəstəni gərəksiz müalicələrdən azad etməkdir.

Diaqnozu təsdiq edəcək müayinə üsulu biopsiyadır (dəridən kiçik bir parçanın alınması).

Götürülmüş materialda amiloid maddənin toplanmasının görülməsi diaqnostikdir. Müalicə simptomlara yönəlik aparılır ürək açan nəticələr almaq mümkündür.