Yevlax Rayon Mərkəzi Xəstəxanasının tibb işçiləri tərəfindən şəhərin Heydər Əliyev Mərkəzinə ekskursiya təşkil olunub.

Rayon Xəstəxanasından Aztibb.az-a bildirilib ki, Mərkəzdə səhiyyə işçilərinə müstəqil Azərbaycan dövlətinin memarı, ümummilli lider Heydər Əliyevin zəngin həyat yolu və müstəsna fəaliyyəti haqqında geniş məlumat verilib, onlar eksponat, fotoşəkil və kitablarla tanış olublar.

Heydər Əliyev Mərkəzinin direktoru Aygün Qasımova iştirakçılara Ulu Öndərin Azərbaycanın müstəqilliyinin bərpasında, inkişafında, cəmiyyətin bütün sahələrində tərəqqinin əldə edilməsində, iqtisadiyyatımızın, neft strategiyasının, sosial islahatların uğurla həyata keçirilməsində, qonşu dövlətlərlə münasibətlərin tənzimlənməsində göstərdiyi misilsiz xidmətlərdən danışıb.

Sonda Yevlax Rayon Mərkəzi Xəstəxanasının və Heydər Əliyev Mərkəzinin kollektivi xatirə şəkili çəkdiriblər.