"Həkimlərimizi tanıyaq!" rubrikamızda Səhiyyə Nazirliyinin Elmi-Tədqiqat Tibbi Bərpa İnstitutunun həkim-oftalmoloqu Aynurə Əliyevanı təqdim edirik.

A.Əliyeva 1983-cü ildə Ağdam rayonunda anadan olub. 2000-2006-cı illərdə Azərbaycan Tibb Universitetinin Müalicə işi fakültəsində təhsil alıb. 2006-2007-ci illərdə M.Ə.Mirqasımov adına Respublika Kliniki Xəstəxanasında internatura keçib.

O, 2007-2014-cü illərdə təyinat üzrə Ağdam rayon göz xəstəxanasında həkim-oftalmoloq vəzifəsində çalışıb. 2014-2022-ci illərdə "Celamig" göz klinikasında işləyib. 2022-ci ildən Səhiyyə Nazirliyinin Elmi- Tədqiqat Tibbi Bərpa İnstitutunda oftalmoloq kimi fəaliyyət göstərir.

Həkim ölkəmizdə və xarici ölkələrdə çoxsaylı praktik konfranslarda, seminarlarda iştirak edib.

Azərbaycan Oftalmoloqlar Cəmiyyətinin, Türk Oftalmoloqlar dərnəyinin üzvüdür.