Tədbirdə çıxış edən İcbari Tibbi Sığorta üzrə Dövlət Agentliyinin İdarə Heyəti sədrinin müavini Nigar Bayramova sağlam ömür uzunluğunun artırılması ilə bağlı dövlət başçısının rəhbərliyi altında ölkəmizdə başlanılan səhiyyə islahatları haqqında məlumat verib. O, ölkə üzrə icbari tibbi sığortanın tətbiqinin bu islahatların tərkib hissəsi olduğunu qeyd edib.

 

TƏBİB-dən Aztibb.az-a daxil olan məlumata görə, tədbirdə səhiyyə nazirinin müavini İlqar Qasımov, Tibbi Ərazi Bölmələrini İdarəetmə Birliyinin icraçı direktorunun müavini Araz Nəsirov və digər iştirakçılar da çıxış ediblər.

 

Qeyd edək ki, “Viva la Vida” beynəlxalq uzunömürlülük konqresi və sərgisində çıxış edəcək spikerlər kişi və qadın uzunömürlülüyü, zehni-mənəvi uzunömürlülük və digər profilaktik, fərdiləşmiş təbabət haqqında məlumat və tövsiyələr verəcəklər.