Azərbaycan milli mətbəxi ən kalorili və dadlı qidalarla hər zaman zəngin olub. Hər bir bölgəmizin xüsusi olaraq özünə məxsus qidaları var.
Novruz bayramında süfrəni şəkərbura, paxlava, qoğal, badambura və s. şirniyyatlarsız, plovsuz təsəvvür etmək mümkün deyil. Yüksək miqdarda şəkərin birdən-birə orqanizmə daxil olması yaxşı hal deyil.
Aztibb.az xəbər verir ki, həkimlərin tövsiyəsinə görə, kalorili qidaların qəbul edilməsi təkcə həzmdə, mədə-bağırsaq sistemində problemlərin yaranmasına yox, həm də təzyiqin yüksəlməsinə, şəkərin qalxmasına və hətta qaraciyər xəstəliklərinə də gətirib çıxarır.
Ona görə də ən kalorili yeməkləri eyni gündə orqanizmimizə daxil etməməliyik.
Dietoloqlar bayram günlərində süfrə arxasında yağlı yeməklərdən sonra qazlı içkilərin içməyin piylənməyə səbəb olduğunu bildirir. Yağlı yeməkdən dərhal sonra qazlı içki içmək və ya meyvə belə insana çox mənfi təsir göstərə bilər.
Ona görə də hər kəs özünün həkimi olmalı, yağlı-zülallı yeməklərin qəbulunda ehtiyatlı olmalı və nisbətən yüngül yeməklərə üstünlük verməlidir.