Övladları xəstələnən valideynlər "yəqin ki, immuniteti düşüb" ifadəsini tez-tez eşidirlər və dərhal immunitet artırıcı müalicələr axtarmağa başlayırlar. Lakin bilməlisiniz ki, immunitet artırıcı müalicə deyə bir anlayış yoxdur.

Aztibb.az xəbər verir ki, pediatr Xəyalə Əliyeva bu barədə "Instagram" səhifəsində məlumat paylaşıb.

“Övladınızın immun sisteminin möhkəm olması üçün peyvəndləri vaxtlı-vaxtında vurdurmağınız, onların vaxtında yatmalarına, sağlam qidalanmalarına və bol-bol təmiz hava qəbul etmələrinə ciddi şəkildə nəzarət etməyiniz kifayətdir”, – həkim bildirib.

Qeyd edib ki, açıq havada vaxt keçirmək uşaqlar üçün sadəcə əyləncə deyil, həm də sağlamlıqdır. Araşdırmalara görə, həftədə 13 saat (gündə təxminən 2 saat) açıq havada olmağın uşaqların fiziki və mental sağlamlıqlarına hədsiz dərəcədə faydaları var. Unutmayın, təmiz hava ən güclü immunitetdir