“Yaz-payız mövsümündə bronxit kəskinləşir. Xroniki bronxit xəstəliyindən əziyyət çəkən insanlar daha çox çirklənmiş havada yaşayan insanlar olurlar.

Aztibb.az xəbər verir ki, bu sözləri terapevt homotoksikoloq Sevinc Zeynalova açıqlamasında deyib.

Həkim bildirib ki, III qan qrupu daşıyan insanlar daha çox xroniki bronxit xəstəliyinə tutulurlar. Bu xəstəlik zamanı peşə faktoru da müəyyən önəm daşıyır. Xəstəlik tozlu şəraitdə işləyənlərdə daha çox rast gəlinir.

“Reflüks xəstəliyindən əziyyət çəkənlərdə uzanarkən onlarda quru öskürək yaranır. Həmin insanlara daha hündür yastıqlarda yatmaq məsləhət görülür. Bunun üçün əczaxanalarda xüsusi reflüks yastıqları mövcuddur!”,– terapevt deyib.

Qeyd edək ki, bronxit brоnxların iltihab prоsеsi оlub, əsasən sеlikli qişanın zədələnməsi ilə müşayiət оlunur. Papirоsun və spirtli içkilərin, bir sıra xrоniki xəstəliklərin, zəhərli qazların, tоzun tənəffüs yоllarına təsiri və s. bronxitə səbəb оla bilər.