Türkiyənin Balıkəsir Universitetinin nümayəndə heyəti Elmi-Tədqiqat Tibbi Bərpa İnstitutunda olub.
Bu barədə Aztibb.az-a İnstitutdan məlumat verilib.
Səfər zamanı Balıkəsir Universitetinin Beynəlxalq əlaqələr şöbəsinin əməkdaşları Kutlu Ergün, dos. İhsa Kisadere institutun rəhbərliyi və kollektivi ilə görüşərək elmi və klinik şöbələrlə yaxından tanış olublar.
Görüşdə institutunun direktoru, prof. Sədaqət Hüseynova birgə əməkdaşlığın genişləndirilməsinin vacibliyini vurğulayıb.
Sonra TR Balıkəsir Universitetinin rektoru, prof. Yücel Oğurlu və Elmi-Tədqiqat Tibbi Bərpa İnstitutunun direktoruc prof. Sədaqət Hüseynova canlı bağlantı vasitəsi ilə birgə əməkdaşlığa dair memorandum imzalayıblar.
Əməkdaşlıq hər iki təşkilatın fəaliyyətinin müxtəif istiqamətlərini - tədris, elmi araşdırmalar, kadr mübadiləsi və s. əhatə edir.
