Göyçay Rayon Mərkəzi Xəstəxanasında 2-ci tip şəkərli diabet xəstələrinin həyat keyfiyyətini yaxşılaşdırmaq və xəstəliyin ağırlaşmalarını azaltmaq məqsədilə maarifləndirici tədbir keçirilib.

Aztibb.az-a Rayon Mərkəzi Xəstəxanasından verilən xəbərə görə, tədbir “Bakı Qeyri-Hökumət Təşkilatlarının Resurs və Təlim Mərkəzi” İctimai Birliyi (BQRTM), TƏBİB və “Servye” Məhdud Məsuliyyətli Cəmiyyətinin birgə təşkilatçılığı və “Pasient Təşkilatları İttifaqı”-nın tərəfdaşlığı ilə “2-ci tip şəkərli diabet xəstələri üçün nəzərdə tutulmuş məktəb” layihəsi çərçivəsində baş tutub.

Tədbirdə Azərbaycan Tibb Universitetinin tanınmış endokrinoloq həkimi Könül İsmayılova "Şəkərli diabet xəstələri nələri bilməlidir?" mövzusunda təqdimatla çıxış edib.

Sonda o, iştirakçıların çoxsaylı suallarını cavablandırıb.