Göygöl Rayon Mərkəzi Xəstəxanasında Novruz bayramı münasibətilə Səhiyyə işçiləri Həmkarlar İttifaqı Şurası tərəfindən xəstəxanada çalışan şəhid və qazi ailələri, müharibə iştirakçıları və onların ailə üzvlərinə ərzaq yardımı edilib.
Aztibb.az-a bu barədə Xəstəxanadan məlumat verilib.
Xəstəxananın direktor müavini - baş həkim Qələndərova Vüsalə çıxış edərək qeyd edib ki, xalqımıza zəfəri bəxş etmiş, düşmən istilasına son qoymuş, adları hərb tariximizə qızıl hərflərlə həkk edilmiş şəhid ailələrinə, qazilərə, müharibə iştirakçılarına diqqət və qayğı, mənəvi dəstək olmaq hər bir Azərbaycan vətəndaşının borcudur. Bu gün keçirdiyimiz görüş bu diqqətin bir nümunəsidir.
Sonra şəhidlərin əziz xatirəsi bir dəqiqəlik sükutla yad edilib, şəhid ailələri, müharibə iştirakçıları və onların ailə üzvləri ilə birgə xatirə şəkli çəkilib.
