Biz yetişkin olaraq öz əşyamızı paylaşmırıq, lakin uşaqlara paylaş deyirik. Paylaşmaq üçün güvən lazımdır. Qarşımızdakına güvənməsək paylaşmırıq.

Aztibb.az xəbər verir ki, Zaqatala Rayon Mərkəzi Xəstəxanasının psixoloqu Fəzilə Kamalova uşaqlarla bağlı bir neçə aktual problemləri cavablandırıb.

Həkim bildirib ki, uşaq əşyasını vermirsə, ona hörmətlə yanaşmaq lazımdır. Uşaqları paylaş deyə məcbur etmək düzgün deyil.

Onun sözlərinə görə, uşaq hər istədiyi oyuncağı əldə etməməlidir. Ayda 1 dəfə oyuncaq almaq günü seçmək olar:

"Oyuncaq alma günündə ona müdaxilə etməyin. Ona əvvəldən büdcəni deyin. 0-3 yaş arasında oyuncaq alma sıxlığı ayda 2 dəfə ola bilər. 6 yaşdan sonra öz yığdığı pula oyuncaq alınmalıdır".