Sumqayıt Tibb Mərkəzinin (STM) tabeliyində olan tibb müəssisələrində Kliniki Laborator Diaqnostika Sertifikatlı Təlim Proqramı çərçivəsində silsilə seminarlar davam edir.

STM-dən Aztibb.az-a verilən xəbərə görə, növbəti belə seminar Uşaq xəstəxanasında keçirilib.

Uşaq xəstəxanasının və ailə sağlamlıq mərkəzlərinin pediatrlarının qatıldığı seminarda pediatriya uzmanı Ülvi Əliyev "Uşaqlarda limfoadenopatiyalar və laborator diaqnozu" mövzusunda təqdimatla çıxış edib.

Ü.Əliyev mövcud protokolları, laborator analizlərdəki yenilikləri seminar işçtirakçılarının diqqətinə çatdırıb.

Seminara müzakirələrlə yekun vurulub.

Qeyd edək ki, seminarlar TƏBİB-in laboratoriya işçi qrupu, Sumqayıt Tibb Mərkəzi və AKLMİB-in birgə təşkilatçılığı ilə keçirilir.