Hindistanda iki nəfərin ölümünə səbəb olan "H3N2" virusundan ilk ölümlər qeydə alınıb.

Aztibb.az medimagazin.com.tr-yə istinadla xəbər verir ki, , səhiyyə rəsmiləri Karnataka əyalətində 82 yaşlı kişinin qripə səbəb olan "H3N2" qrip virusu səbəbiylə fevralın 24-də aparıldığı xəstəxanada martın 1-də dünyasını dəyişdiyini bildirib.

Səlahiyyətlilər şəkərli diabet və hipertoniya kimi səhhətində problemləri olan bu şəxsin ölkədə "H3N2"dən ilk ölüm olduğunu bildiriblər.

Yanvar ayında Haryana əyalətində "H3N2" diaqnozu qoyulan 56 yaşlı xərçəng xəstəsinin martın 8-də evində öldüyünü qeyd edən səlahiyyətlilər, bu şəxsin ağciyər xərçəngi olduğunu bildiriblər.

Rəsmilər ölkədə 90-a yaxın insanda "H3N2" virusuna yoluxduğunu açıqlayıb və ayın sonuna doğru yoluxma sayının azalacağını gözlədiklərini qeyd ediblər.