Xanımlar müntəzəm olaraq gel-lak ilə manikür edirlər. Amma onu qurutmaq üçün istifadə edilən manikür lampalarının xərçəngə səbəb ola biləcəyini deyirlər. Bu doğrudurmu? 

Aztibb.az “Arqumentı i faktı” nəşrinə istinadən xəbər verir ki, genetik İrina Jequlinanın bildirdiyinə görə həkimlərin belə lampaların təhlükələri haqqında yekdil rəyi yoxdur.  

Belə lampadan istifadə edərkən orqanizm günəşdə 17 saniyə qalmağa bərabər olan ultrabənövşəyi şüalanmanın bir hissəsini alır. Digər tərəfdən, müntəzəm olaraq manikür lampasından istifadə etsəniz zamanla müəyyən təsir ola bilər.

Hər halda, manikür gelindən öncə geniş spektrli günəş kremindən istifadə etmək məsləhətdir.