Qəflətən huşun dərinləşməsi və sol ətraflarında hərəkətsizlik əmələ gələn yaşlı kişi Respublika Neyricərrahiyyə Xəstəxanasına müraciət edib.

Aztibb.az-a Xəstəxanadan verilən məlumata görə, müayinə zamanı sağ orta beyin arteriyasında böyük anevrizma və onun qanamasına bağlı böyük hematoma təyin olunur. Əlavə olaraq əks orta beyin arteriyasında da anevrizma aşkarlanır.

Təcili olaraq sağ OBA anevrizması klipslənib və hematoma evakuasiya olunub.

Pasiyentin vəziyyəti tədricən yaxşılaşıb. İki ay sonra əks tərəfdə olan anevrizma klipslənib. Nevroloji heç bir itki qeyd edilməyib.